"Өнерлінің қолы алтын"

Қоянды ауылы №1 жалпы орта білім беретін мектебінің көркем еңбек пәнінің ұстазы, Евразия дизайнерлер одағының мүшесі, лауреат, «Үздік педагог» өз ісінің майталманы, Бахшагуль Байдолдақызынан ақпанның 1-і күні Qazaqstan Ұлттық Телеарнасының тілшілері арнайы келіп сұхбат алды. Сұхбат барысында қолөнер иесінің шеберлік сабағын түсіріп, шебер ұстаздың шаңырағына барып, түрлі символ туындыларымен танысты. Шебердің қолы көпке ортақ дегендей, ізін жалғастырып келе жатқан шәкірттері көп. Оқушылары еңбек сабағында түрлі жаңашыл технологияларды пайдалана отырып әртүрлі туындылар жасап шыңдалып отыр. Шебер ұстазымыз Бахшагуль Байдолдақызына алдағы уақытта еңбек жолында бұдан да биік белестерден көрініп, білім саласындағы еңбегіңіз еселене берсін дейміз! https://fb.watch/isj9G0dlbJ/?mibextid=cr9u03